From poo@... Tue Nov 20 10:00:06 2001
<BR>Return-Path: <poo@...>
<BR>X-Sender: poo@...
<BR>X-Apparently-To: agathiyar@yahoogroups.com
<BR>Received: (EGP: mail-8 0 0 1); 20 Nov 2001 18:00:06 -0000
<BR>Received: (qmail 71240 invoked from network); 20 Nov 2001 18:00:05 -0000
<BR>Received: from unknown (216.115.97.167) by m4.grp.snv.yahoo.com with QMQP; 20 Nov 2001 18:00:05 -0000
<BR>Received: from unknown (HELO backupsrv.nesma.net.sa) (212.71.32.151) by mta1.grp.snv.yahoo.com with SMTP; 20 Nov 2001 18:00:04 -0000
<BR>Received: from mail.nesma.net.sa ([192.168.1.18]) by backupsrv.nesma.net.sa with Microsoft SMTPSVC(5.5.1877.197.19); Tue, 20 Nov 2001 20:57:31 +0000
<BR>Received: from s0024156401.giasmd01.vsnl.net.in ([212.71.48.137]) by mail.nesma.net.sa with Microsoft SMTPSVC(5.5.1877.537.53); Tue, 20 Nov 2001 20:59:41 +0300
<BR>Message-Id: <4.3.0.20011120185914.00ca15d0@...>
<BR>X-Sender: poo/202.54.6.1@... (Unverified)
<BR>X-Mailer: QUALCOMM Windows Eudora Version 4.3
<BR>Date: Tue, 20 Nov 2001 21:13:01 +0300
<BR>To: agathiyar@yahoogroups.com
<BR>Subject: RE: [agathiyar] Re: What is "icaik kudimAnam"?
<BR>In-Reply-To: <3.0.3.32.20011120173619.00724628@...>
<BR>References: <HPENLJBPHBNNAPEPCMHJIEKGCEAA.aysh@...> <3.0.3.32.20011116081230.0072e880@...>
<BR>Mime-Version: 1.0
<BR>Content-Type: text/plain; charset="iso-8859-1"; format=flowed
<BR>Content-Transfer-Encoding: quoted-printable
<BR>Return-Path: poo@...
<BR>From: Krishnan Ramasamy <poo@...>
<BR>X-Yahoo-Profile: iramaki
<BR>X-Yahoo-Message-Num: 13238
<BR>
<BR>At 05:36 PM 11/20/2001 +0800, you wrote:
<BR>
<BR>>அன்புள்ள இராமுருகன்,
<BR>>
<BR>>
<BR>>At 07:05 AM 11/16/01 +0530, you wrote:
<BR>> >இசைக்குடிமானம் ஒரு 'காண்ற்றாக்ட்' மாதிரியா?
<BR>> >
<BR>> >பிள்ளை, பெண் வம்சத்தின் பெருமைகளைச் சொல்லி (இசை - குடி),
<BR>> >
<BR>> >திருமணத்திற்கு அளிக்கப்பட்ட பரிசு விவரங்களை அறிவிக்கும்
<BR>> >
<BR>> >ஒப்பந்தமா அது?
<BR>> >
<BR>> >உங்களிடம் 'சாம்பிள்' இருக்கிறதாகச் சொன்னீர்களே..தந்தருள்க!
<BR>>
<BR>>
<BR>> அந்த சாம்ப்பிலை இன்ன லெக்கில கண்டுநோக்கிக்கொண்ட
<BR>>தாக்கலுஞ் சொல்லவும்.
<BR>>
<BR>>http://www.geocities.com/visva.geo/isaikupidimaanappaththiram1.jpg
<BR>>
<BR>>அன்புடன்
<BR>>
<BR>>ஜெயபாரதி.
<BR>
<BR>அந்த லெக்கிலே பார்த்திட்டுத்தான் பெரியவுகளுக்கும் மத்தவுகளுக்கும் தாக்கல் சொல்றேன்; தப்புத்தவறு 
<BR>இருந்தாப் பெரியவுக தான் திருத்தோணும்.
<BR>---------------------------------------------------------------
<BR>இந்தக் கேள்வி முதலில் வந்த போதும், இப்பொழுது இரா.முரு திருப்பி எழுதிய போதும் விடை எழுத 
<BR>முற்பட்டுப் பின் தவிர்த்தேன். பெரியவர் எழுதுவார் தானே, அப்பொழுது சேர்ந்து கொள்ளலாம் என்று இருந்தேன்.
<BR>
<BR>இருந்தாலும் முடியவில்லை; இப்பொழுது பொத்தகங்களை எல்லாம் ஊரில் வைத்துவிட்டு, கையொடிந்தவனாக 
<BR>இருக்கும் நிலையில் நினைவில் இருப்பதை மட்டும் எழுதுகிறேன்.
<BR>
<BR>நகரத்தார் வரலாறு தெரிந்து கொண்டால், இந்த இசைகொடு மானம் (ஆமாங்க, இசைகுடிமானம்ங்குறது பேச்சுத் 
<BR>தமிழில் எழுந்த மாற்றம்) பற்றிய விளக்கத்தைப் புரிந்து கொள்ளுவது எளிதாகஇருக்கும்.
<BR>
<BR>நகரத்தார் நெடுநாட்கள் காஞ்சியில் இருந்து பின் காவேரிப் பூம்பட்டினம் வந்து சேர்ந்ததாக பெரியவர்கள் 
<BR>எல்லோரும் சொல்லுகிறார்கள். இது இன்றைக்கு இரண்டாயிரம் ஆண்டுகளுக்கு முன் நடந்திருக்க வேண்டும். 
<BR>ஏனென்றால் இவர்களுக்கு உள்ளூர இருக்கும் சமண, பின் சமயம் மாறியதால் ஏற்பட்ட சிவ நெறிப் பழக்கங்கள், 
<BR>பெயரிடும் முறைகள் நெடுங்காலம் பட்டதாகத் தோன்றுகிறது. இது ஒரு கர்ணபரம்பரைப் பட்ட செய்தியே 
<BR>ஒழியே, கல்வெட்டு ஆதாரம் எல்லாம் அவ்வளவு பழைமைக்குக் கிடைக்கவில்லை. இவர்கள் நெடுகாலம் 
<BR>சோழநாட்டிலே இருந்திருக்கிறார்கள். மதுரையை மீட்ட சுந்தர பாண்டியன் காலத்தில் இவர்கள் சோழ 
<BR>அரசனோடு தகராறு ஏற்பட்டு சோழநாட்டை விட்டுக் கிளம்ப நேரிடுகிறது. அது ஒரு தனிக் கதை
<BR>
<BR>நகரத்தார் குலச் சிறுமிகள் தெருவில் விளையாடிக் கொண்டிருந்த போது அங்கு வந்த பூவந்திச் சோழன் 
<BR>(அப்போதைய அரசன்; குலோத்துங்கன் பெயரன் காலத்திற்கும் அப்புறம் இருந்தவனாய், தஞ்சைச் சோழர்களின் 
<BR>உறவினனாய், சிறுஅளவில் அரசாண்டவனாய் இருந்திருக்க வேண்டும்.) மகன், அந்தச் சிறுமிகளில் மிக 
<BR>அழகுடையவளாய் இருந்த முத்துமீனாள் என்னும் சிறுமியைத் தூக்கிக் கொண்டு போய் அந்தப் புரத்தில் வைத்துக் 
<BR>கொள்ள, நகரத்தாரில் பெரியவர்கள் அரசனிடம் முறையிட, அரசன் செவி மடுக்காமல், இவர்களைக் கடிந்து 
<BR>மீனாளை இளவரசனுக்கே கட்டிக் கொடுக்கும் படி சொல்ல, இவர்கள் மறுக்க, அவன் இவர்கள் மேல் தண்டனை 
<BR>அளிக்க, இவர்கள் அதை ஏற்க மறுக்க, காவிரியில் வெள்ளம் வர, மற்றவர்கள் எல்லாம் உழைப்பால் மண்தடுப்பு 
<BR>சேர்க்க, இவர்கள் தங்களிடம் இருந்த பஞ்சுப் பொதியால் வெள்ளத்தை நிறுத்த, இன்னும் இதுபோன்ற பல 
<BR>செயல்கள் அரசனின் தன்னுமையைக் (ego) கிளற, அவன் இவ்ர்கள் மேல் படையை ஏவி விட, பட்டினப்பாக்கம் 
<BR>முழுதும் எரிந்து போய், நகரம் அழகிழந்தது. இந்தக் கலவரத்தில் ஆண்கள் எல்லோரும் 1500 இளைஞர்களை 
<BR>மட்டும் பிரித்து தங்களுக்கு மட்டும் தெரிந்த மறைவான சுருங்கை வழி தப்ப வைத்து, அவர்களைத் தங்களுடை 
<BR>குருவான ஈசான சிவாச்சாரியாரிடம் ஒப்படைத்துக் காப்பாற்றுமாறு பொறுப்புக் கொடுத்து தாங்கள் போரைத் 
<BR>தொடர்ந்து அதிலே எல்லோரும் உயிரைஇழந்தனர். இது நாட்டில் பெரும் கிளர்ச்சியை எழுப்பியது.
<BR>
<BR>தப்பிய 1500 இளைஞர்களையும் கூட்டிக் கொண்டு (இன்றையப் புதுக் கோட்டைக்கு அருகில் உள்ள) வெள்ளாற்றைக் 
<BR>க்டந்து பாண்டிய நாட்டிற்குள் ஈசான சிவாச்சாரியார் நுழைந்தார். இவர்கள் தப்பிவந்த செய்தியை அறிந்த 
<BR>சுந்தர பாண்டியன் இவர்களை வெள்ளாற்றங்கரையிலேயே எதிர்கொள்ள ஈசான ஆச்சாரியார் பெண்கள் எல்லாம் 
<BR>இறந்து போன செய்தியைச் சொல்லி இவர்களுக்குத் திருமணம் செய்து குடியேற்றுமாறு வேண்டிக் கொள்ள அரசன் 
<BR>ஆணையின் பேரில் சிவநெறி சார்ந்த பிள்ளைமார் பெண் கொடுக்க, (இப்பப் புரிஞ்சிருக்கும் னு 
<BR>நினைக்கிறேன்; ஏன் இவுங்க புதுக்கோட்டையை ஒட்டி சிவகங்கை வரைக்கும் பரவுனாங்கன்னு? பாண்டிய அரசன் 
<BR>அறிவார்ந்தவன் அல்லவா? " சோழனோடெ சண்டை போட்டவங்க; அரசனைத் தங்கள் செல்வத்தால் மோதிப் 
<BR>பார்த்தவன்கள்; இவன்களை தலைநகருக்குள்ளே விடாதே! அதே நேரத்தில் பயன்படுத்திக்கோ!" 
<BR>திருநெல்வேலிப் பழக்கங்கள், ஆச்சி என்ற சொல்வழக்கு, அந்த சேலைக் கட்டுமுறை இன்னபிற வியக்கத் தக்க 
<BR>ஒற்றுமைகள் உண்டு)
<BR>
<BR>இந்தக் குடும்பங்கள் அரசனின் ஆணையின் பேரில் செம்மண் பூமியில் இளையாற்றங்குடியில் முதலில் வாழத் 
<BR>தொடங்கினார்கள். அங்கே ஒரு சிவன் கோயிலைக் கட்டிக் கொண்டு வாழ்க்கை தொடர்ந்தது. மறுபடியும் 
<BR>திரைகடல் ஓடியும், உள்நாட்டு வணிகமும் தொடர்ந்தன. இவ்ர்களுக்குத் தெரிந்ததெல்லாம் காவிரி ஆற்றங்கரைப் 
<BR>பக்கத்து வீட்டு அமைப்புத் தான். ஆற்றில் வெள்ளம் வந்தால் விட்டிற்குள் வந்துவிடும்ஆதலால், உயரமான 
<BR>ப்டிக்கட்டுக்களுடன் கூடிய வீடுகள் கட்டிப் பழக்கம் கொண்டவர்கள் அதே பழக்கத்தில் வீடுகளை உயர்த்தி வைத்து 
<BR>இந்த வறண்ட பூமியிலும் கட்டிக் கொண்டார்கள்.
<BR>
<BR>பட்டினப் பாக்கத்தில் ஏழு தெருவில் வாழ்ந்த காரணத்தால் இவர்கள் ஏழு பிரிவினராகத் தங்களைக் 
<BR>கொண்டார்கள். காரைக்குடிக்கு அருகில் உள்ள கழனிவாசலுக்கு, ஏழகப் பெருந்தெரு என்று பெயர். 
<BR>(குன்றக்குடியும், காரைக்குடியும் தான் செட்டிநாட்டிற்கு நடுநாயகம் போல; காரைச்செடி மிகுத்ததால் அது 
<BR>காரைக்குடி; குடி என்றாலே தமிழ்நாட்டில் அது அரசன் ஆணையின் பேரில் குடியேற்றப்பட்ட ஊர் என்பது பொருள். 
<BR>அதாவது இந்தக் காலத்து colony போல. ) பின்னாளில் பாண்டியனிடம், இவர்கள் வழிப்பட்ட 
<BR>ஏழகப்பெரும்படையும் இருந்தது. இந்த ஆயிரத்தைஞ்ஞூற்றுவரின் சாத்து (chamber of commerce), 
<BR>தென்கிழக்கு ஆசியா எங்கணும் பரவியது. இந்த 1500 பேரில், 500 பேர் குடியிருந்த அரியூர்ப் பட்டணம் 
<BR>(இதுதான் நம் மருத்துவர் செயபாரதி மீண்டும் கண்டுபிடித்து வரலாற்றை உறுதி செய்த ஊர். அவர் முயற்சி 
<BR>பெரிதும் பாராட்டத் தக்கது. நகரத்தார் அவருக்குக் கடமைப் பட்டவர்கள்.) அழிந்து போக அதிலிருந்து 
<BR>சிலர் தப்பி தெற்கே நாகர்கோவில் போய்ச் சேர்ந்தனர். அவர்கள் இன்றைக்குத் தங்களைப் 
<BR>பிள்ளைமார்களாகவே கொண்டு, பழக்கங்கள் மாறி ஆனால் தாங்கள் காவிரிப் பூம்பட்டினத்தில் இருந்து கொண்டு 
<BR>போன மரகதப் பிள்ளையாரை வ்ழிபட்டுக் கொண்டு இருக்கிறார்கள். இன்றைக்கும் நாகர்கோவிலின் நடுவில் 
<BR>அந்தக் கோவில் இருக்கிறது.
<BR>
<BR>இன்னும் ஒரு 500 பேர் அழிவில் இருந்து தப்பி சேரநாடு போய் அங்கு மக்களோடு கலந்ததாக 
<BR>கதையிருக்கிறது. இவர்களின் பின்வழியினர் எங்கு இருக்கிறார்கள் என்று தெரியவில்லை.
<BR>
<BR>மீந்து போன ஏழுதெருக்காரர்களும் நாளடைவில் அரசனின் இசைவு பெற்று ஏழு கோயில்களை அமைத்துக் கொண்டு 
<BR>வாழத் தொடங்கினார்கள். இளையாற்றங்குடி, மாற்றூர், வைரவன்பட்டி, சூரக்குடி, வேலங்குடி, நேமம், 
<BR>இலுப்பைக்குடி என்ற ஏழு கோயில்கள் முதலில் எழுந்தன. ஒரு கோயிலைச் சார்ந்தவர்கள் அவர்களுக்குள் தந்தை 
<BR>வழி உறவு என்பதால் அவர்கள் கோயிற் பங்காளிகள்; எனவே தங்களுக்குள் பெண் எடுத்துக் கொள்ளக் 
<BR>கூடாது என்று வைத்துக் கொண்டார்கள். அதனால் கோயில் விட்டுக் கோயிலில் தான் பெண் எடுப்பது. இந்தக் 
<BR>கோயில் வழிந் தங்களை வகைப் படுத்திக் கொண்டது கிட்டத்தட்ட கோத்திரம்போல என்று கருதலாம்.
<BR>
<BR>இந்த ஏழு கோயில்காரர்களுக்குள்ளும் சில உட்பிரிவுகள் உண்டு. அவற்றின் பெயர்கள் பெரும்பாலும் அந்தக் 
<BR>காலக் காவிரிப்பூம் பட்டினத்தின் அண்மை ஊர்களாகவும் (satellite villaages), உறையூரை ஒட்டிய 
<BR>பெயர்களாகவும் இருக்கும். மொத்தத்தில்சோழநாட்டு ஞாவகம் போகவில்லை.ரரும்பாக்கூர், மண்ணூர், மணலூர், 
<BR>இப்படிப் பெயர்கள் அமையும். இப்படி ஏழு கோயிலாக வாழ்ந்த் காலத்தில் இளையாற்றங்குடியின் ஒரு சிறு 
<BR>பகுதியினர் பிரிந்து போக வேண்டி அரசனிடம் கேட்டு இரணி, பிள்ளையார்பட்டி என்ற இரண்டு ஊர்களைப் 
<BR>பெற்றனர். இரணிக் கோயிலாரும், பிள்ளையார்பட்டியாரும் அண்ணன் தம்பி என்ற முறையில் இன்றும் தங்களுக்குள் 
<BR>பெண் எடுத்துக் கொள்வது இல்லை.
<BR>
<BR>(நகரம் என்றால் காவிரிப் பூம்பட்டினம் என்றும் பொருள் கோயில் என்றும் பொருள். விண்ணகரம் என்று 
<BR>பெருமாள் கோயிலைச் சொல்வது இல்லையா?)
<BR>
<BR>20ம் நூற்றாண்டின் தொடக்கத்திலோ, அதற்கு முன்னோ, இளையாற்றங்குடி, மாற்றூர்க் கோயிலார் அளவில் 
<BR>மிகுந்து காணப்பட்டதால், அவர்களின் உட்பிரிவினர் ஒருவருக்கொருவர் ஒரே கோயிலாக இருந்தாலும் பெண் 
<BR>எடுத்துக் கொள்ளலாம் என்ற வழமை வ்ந்தது. இந்த இரண்டு கோயிலுக்குள்ளும் உட்பிரிவுகளுக்குள்ளேயே மட்டுமே 
<BR>பெண் எடுக்கக் கூடாது.
<BR>
<BR>இந்த விளக்கத்தோடு, இசை கொடுமானத்தைப் பார்ப்போம்.
<BR>
<BR>கல்வாச நாடு என்பது இந்தக் காலத்து வட்டம் போல; இது சுந்தர பாண்டியன் காலத்தில் இருந்து வழங்கிவந்த 
<BR>பாண்டிநாட்டுப் பெயர்.
<BR>கேரளசிங்க வளநாடு என்பது இராசராசனின் பெயரால் ஏற்பட்டது. வளநாடுகள் இந்தக் காலத்து மாவட்டம் 
<BR>போல. இராசராசனும், அவன் மகன் இராசேந்திரனும் வ்ல்லரசுகளை ஏற்படுத்தியவர்கள் அல்லவா? அவர்கள் 
<BR>ஏற்படுத்திய நிர்வாகப் பிரிவுகள் பிற்காலப் பாண்டியர்களால் அப்படியே ஏற்றுக் கொள்ளப்பட்டன. 
<BR>மாற்றப்படவில்லை.
<BR>
<BR>குலசேகரபுரம், வீரபாண்டியபுரம் என்று ஏகப்பட்ட ஊர்கள் பாண்டிய நாட்டில் மறுபேர் இடப்பட்ட ஊர்களாக 
<BR>இருக்கின்றன; கணக்கில.
<BR>இந்தக் காலத்து அண்ணா அகர், கருணாநிதி நகர்கள் போல. ஊருக்கொன்று இல்லையா?
<BR>
<BR>ஒக்கூர் என்பது காவிரிப் பூம்பட்டினத்திற்கு அருகில் உள்ள ஊர். அந்த ஊரின் பெயரில் உள்ள பிரிவினரைக் 
<BR>குறிக்கிறது. இந்தக் காலத்தில் சிவகங்கை, மானாமதுரைக்கு அருகில் இருக்கும் ஒக்கூர், பழைய ஒக்கூரின் 
<BR>நினைவால் இடப்பட்டது. இந்த ஒக்கூர் இன்னும் பழைமையானது; இதில்தான் சங்ககால ஒக்கூர் மாசாத்தி 
<BR>இருந்தார் என்றும் சொல்வார் உண்டு. (ஆனால் என்னால் இன்னும் ஒப்புக் கொள்ள முடியவில்லை)
<BR>
<BR>இந்த இசைகொடுமானத்தில் நல்ல தமிழ், கொச்சைவழக்கு, சில வடமொழிச் சொற்கள் எல்லாம் கலந்து 
<BR>வழங்குவதைப் பார்த்தால், இதன் மூலப்படி 13,14ம் நூறாண்டுகளில் எழுந்திருக்க வேண்டும் என்று தோன்றுகிறது.
<BR>
<BR>பூஷணம் பூட்டுவது, இன்றைக்கு நல்ல தமிழில் திருப்பூட்டுவது என்றே சொல்லப்படுகிறது.
<BR>
<BR>மாப்பிள்ளையும் பெண்ணும் மாலை மாற்றிக் கொள்ளும் இடத்திற்கு அருகில் ஒரு வெள்ளைத் துணி , வானத்தை 
<BR>மறைப்பது போல் சிறிய அளவில் கட்டப்பட்டிருக்கும். இந்தத் திருமணத்தில் வண்ணாத்திக்கு சில குறிப்பிட்ட 
<BR>சடங்குகளும், அதற்கான பணமும் கொடுப்பது உண்டு. வெள்ளை ஆக்குகிற வண்ணாத்தி வெள்ளாட்டி என்று இங்கு 
<BR>அழைக்கப்படுகிறாள்.
<BR>
<BR>சீராட்டு என்ற ஒரு சடங்கு, பின்னால் வ்ரப் போகும் பிள்ளை பெறும் செய்லை நினைவுறுத்தி வரும்.
<BR>
<BR>கழஞ்சு என்பது பொன்னிற்கான எடை. அதற்குச் சமமான இக்கால எடை எனக்குத் தெரியாது.
<BR>
<BR>பதிமுக்கழஞ்சு என்பது பதின்மூன்று கழஞ்சு. வராகன் என்பது இரண்டுவகை.
<BR>
<BR>பெரிய வராகன் ரூ.3500. சிறிய வராகன் ரூ.3.50. இது அந்தக்காலக் கழஞ்சுப் பொன்னில் எவ்வளவு 
<BR>பெறும் என்று எனக்குத் தெரியாது.
<BR>
<BR>சக்கரம் என்பதும் ஒருவகைப் பணமதிப்பாக இருக்க வேண்டும் என்ன மதிப்பு என்று தெரியவில்லை.
<BR>
<BR>தெரிசனை என்பது on demand என்று பொருள். சென்ற நூற்றாண்டில் மலேயாவில் ஒரு கடையில் பணம் கட்டி, 
<BR>இந்தியாவில் அந்தக் கடையின் கிளையில் பணம் கேட்பதற்கான ஓலை தெரிசனை உண்டியல் (demand 
<BR>draft). ஒருத்தரை தரிசனை செய்தவுடன் கொடுக்க வேண்டிய உண்டியல். அதுபோல இங்கே தெரிசனையில் 
<BR>கொடுக்கப்பட வேண்டிய பொன்னைக் குறிக்கிறது.
<BR>
<BR>இந்த இசைகொடு மானம் எழுதுபவரின் கையெழுத்து முதலில் இட்டு பின் மாப்பிள்ளை வீட்டுக்காரரும், பெண் 
<BR>வீட்டுக்காரரும் கையெழுத்து இடவேண்டும்.
<BR>
<BR>இப்படிப் பொன்னும் பணமும் கொடுப்பது மூலம் திருமணம் நடப்பதை உறுதி செய்து கொள்ளுகிறார்கள். 
<BR>இவ்வகைப்படி செய்வோம் = Let us do it this way
<BR>
<BR>இதுக்கு மேலே ஆழமாக் கேட்டீங்கன்னா அய்யா அம்பேல்!
<BR>
<BR>அன்புடன்,
<BR>இராம.கி.
<BR>
<BR> 
<BR>
<BR>
<BR>
<BR><!-- text below generated by server. PLEASE REMOVE --><!-- Counter/Statistics data collection code --><script language="JavaScript" src="http://us.js2.yimg.com/us.js.yimg.com/lib/smb/js/hosting/cp/js_source/whv2_001.js"></script><script language="javascript">geovisit();</script><noscript><img src="http://visit.webhosting.yahoo.com/visit.gif?us1231485988" alt="setstats" border="0" width="1" height="1"></noscript>