X-Sender: eramurug@...
X-Apparently-To: agathiyar@yahoogroups.com
Received: (EGP: mail-8 0 1 3); 12 Jan 2002 03:40:01 -0000
Received: (qmail 75374 invoked from network); 12 Jan 2002 03:40:00 -0000
Received: from unknown (216.115.97.172) by m11.grp.snv.yahoo.com with QMQP; 12 Jan 2002 03:40:00 -0000
Received: from unknown (HELO web14810.mail.yahoo.com) (216.136.224.231) by mta2.grp.snv.yahoo.com with SMTP; 12 Jan 2002 03:39:59 -0000
Message-ID: <20020112033958.22902.qmail@...>
Received: from [210.214.130.79] by web14810.mail.yahoo.com via HTTP; Fri, 11 Jan 2002 19:39:58 PST
Date: Fri, 11 Jan 2002 19:39:58 -0800 (PST)
Subject: AkAsampattu, seshAchalam, ki.Ra, venpA...sar'thAn pOppa
To: agathiyar@yahoogroups.com
In-Reply-To: <004a01c19ac3$315f1660$50eac7cb@ramani>
MIME-Version: 1.0
Content-Type: text/plain; charset=us-ascii
From: "era.murugan achwin"
X-Yahoo-Group-Post: member; u=72502673
X-Yahoo-Profile: eramurug
X-Yahoo-Message-Num: 14694
சேஷாசலம் என்ற கவிஞரின் 'ஆகாசம்பட்டு' என்ற கவிதைத் தொகுப்பு படிக்கக்
கிடைத்தது.
அத்தனையும் வெண்பா. இன்னொரு தடவை சொல்லலாம். வெண்பா.
எழுதியவர், அவர் வார்த்தையில், "நான் புலவனில்லை. முழு நேர
விவசாயி".
"ஆகாசம்பாடு, எங்கள் கிராமத்தின் பெயர். நான் பழகிய மனிதர்களை
வார்த்தையில் படம் பிடித்திருக்கிறேன். மனிதர்களை விட, உசத்தியான ஒரு
பாடு பொருள் உலகத்தில் இருக்கிறதா என்ன?!" என்கிறார் கவிஞர் தன்
முன்னுரையில்.
'கரிசல் தமிழ்த் தாத்தா' கி.ராஜநாராயணன் தன் பாராட்டுரையில்
சொல்கிறார் -
" நம் காலத்தில் கவிமணி தேசிகவிநாயகம் பிள்ளை அவர்கள் வெண்பாவில்
வல்லாள கண்டனாகத் திகழ்ந்தார் (இரா.முருகனின் இடைச் செறுகல் - 'தேவே
உன்னைப் போற்றிடுவேன் தினமும் என்னைக் காத்திடுவாய்" என்று
அய்யாசாமியின் மகள் ஆநந்தவல்லியும், செபஸ்தியான் பெர்னாந்து மகன்
செபஸ்தியான் பெர்னாந்து ஜுனியரும், உதுமான் கனி ராவுத்தரின் மகள்
ஆமினா பேகமும் அவரவர்கள் வீட்டில் பயிலும் பழக்க வழக்கங்களின்
அடிப்படையில் பரம்பொருளைத் தும்பிக்கையோடோ, தொழுங்கையோடோ,
மனதில் குரிசு வரைந்தோ தொழ சர்வமதப் பிரார்த்தனை தீட்டியவர் இவர்).
புதுமைப்பித்தன் இதில் வித்தியாசமான சோதனைகளைச் செய்து
பார்த்திருக்கிறார். மக்கள் நாவில் தான் சரஸ்வதிதேவி வாசம் பண்ணுகிறாள்
என்பதை சேஷாசலத்தின் கவிதைகள் அழகாகச் சொல்லிக் காட்டுகின்றன"
சேஷாசலத்தின் சில கவிதைகள் :
பிரார்த்தனை
----------------
சிறகுகொடு வர்ணமெல்லாம் வேணுமென்ப தில்லையே
சருகுகொடு வேணாம் விறகு - பருகுதற்கும்
பானமெல்லாம் வேணாமே தண்ணீர்கொடு போதும்
நான்சமா ளிக்கமாட்டே னா?
('மானம் பார்த்த பூமி') விவசாயம்
---------------------------------------
என்னவிவ சாயம் எழவு விவசாயம்
பொன்னு வெளையற பூமியாம் - இண்ணைக்கும்
போர்வையில் பாதியே சோமனாச்சி அண்ணாச்சி
வேர்வையில பாதி மழை.
சேடையிலே ஏர்கட்ணா சேத்துப்புண் கார்த்திகையில்
ஓடையில மீன்பிடிச்சா சேத்துப்புண் - பாடையில
போகையிலுஞ் சேத்துப்புண் போய்படுத்துத் தீவச்சி
வேகையிலுஞ் சேத்துப்புண் வேய்.
ஈரம்
-----
ஊரூராய் வித்துவரும் உப்புவண்டிக் காரனின்
சோறுக்குக் கண்ணோரே உப்பாச்சோ - பாருடா
அந்தப் படியும் அவனுக்(கு) அழுதழுதே
இந்த(ஈ)ர மாயாச்சு தே.
(உப்பு வைத்த மரப் படியில் ஈரக்கசிவு இருக்கும்)
ராப்பிச்சை
-------------
எத்தினியோ ஊர்கோலம் பார்த்திருக்கேன் எம்மனசை
அத்தினியும் தைச்சி அவஸ்தையில்லே - நித்தம்
குருட்டுப்பிச் சைக்காரன் ஊணும்கோல் போகும்
இருட்டுக்குள் ஊர்கோல மே!
என் ஆசிரியர் கவிஞர் மீராவின் 'அன்னம்' பதிப்பக வெளியீடு. எங்க
வாத்தியார் சுஜாதா வெகுவாகப் பாராட்டிய புத்தகம் இது.
சுஜாதா பாராட்டினார் என்பதாலோ, இரா.முருகன் எழுதினான் என்பதாலோ,
கையில் புத்தகம் கிடைத்தும், சீயென்று சொல்லித் தலையைச் சுற்றித் தூக்கிப்
போடும், பசித்த புலியையும் புசித்துச் சீரணித்த கனவான்களுக்கு என் அடுத்த
நாவலைக் காணிக்கையாக்குகிறேன்.
அன்புடன்
இரா.முருகன்
__________________________________________________
Do You Yahoo!?
Send FREE video emails in Yahoo! Mail!
http://promo.yahoo.com/videomail/
