X-Sender: netranger@...
X-Apparently-To: agathiyar@yahoogroups.com
Received: (EGP: mail-8 0 3 2); 10 Jun 2002 15:58:09 -0000
Received: (qmail 72958 invoked from network); 10 Jun 2002 15:58:07 -0000
Received: from unknown (66.218.66.216) by m9.grp.scd.yahoo.com with QMQP; 10 Jun 2002 15:58:07 -0000
Received: from unknown (HELO mailvs.eth.net) (202.9.145.21) by mta1.grp.scd.yahoo.com with SMTP; 10 Jun 2002 15:58:08 -0000
Received: from smtp3 ([202.9.178.19]) by mailvs.eth.net with Microsoft SMTPSVC(5.0.2195.4453); Mon, 10 Jun 2002 21:34:10 +0530
Received: from 202.9.169.115 by smtp3 (InterScan E-Mail VirusWall NT); Tue, 11 Jun 2002 21:34:33 +0530
Message-ID: <3D04CAD5.B4A880E7@...>
Date: Mon, 10 Jun 2002 21:20:45 +0530
X-Mailer: Mozilla 4.78 [en] (Win98; U)
X-Accept-Language: tamil,en
MIME-Version: 1.0
To: agathiyar@yahoogroups.com
Subject: awwaikkuRaL(71-80)
Content-Type: text/plain; charset=iso-8859-1
Content-Transfer-Encoding: 8bit
Return-Path: netranger@...
X-OriginalArrivalTime: 10 Jun 2002 16:04:10.0625 (UTC) FILETIME=[75255710:01C21098]
From: ஞானவெட்டியான்
X-Yahoo-Group-Post: member; u=95039220
X-Yahoo-Profile: gnanavettiyaan
X-Yahoo-Message-Num: 18527
ஒளவைக் குறள் (71 - 80)
8.அர்ச்சனை
(அர்ச்சனை = பூசிக்கும் முறை. = கலைகளைப் பிரகாசம்
பெற வைப்பதே.இதை அருட்சுனை என்றும் ஞானியர் கூறுவர்.)
71. மண்டலங்கள் மூன்று மருவவுட நிறுத்தி
அண்டரனை யர்ச்சிக்கு மாறு.
அண்டரனை = கண்ணுக்குள் இருக்கும் சிவனாகிய சீவனை
சூரிய,சந்திர,அக்கினி மண்டலங்களை ஒருங்கிணைத்துத்
(முக்கலையையும் ஒன்று சேர்த்து) தான் கண்ணுக்குள் இருக்கும்
சிவனாகிய சீவனை அர்ச்சிக்கமுடியும்.
72. ஆசனத்தைக் கட்டியரன் றன்னை யர்ச்சித்து
பூசனைசெய் துள்ளே புணர்.
ஆன்மா இருக்குமிடத்தை கட்டி உடலுக்குள்ளே முக்கலையையும்
ஒன்று சேர்க்கும்(புணரும்) ஞான வினையைச் செய்து
அரனையர்ச்சித்து பூசை செய்.
73. உள்ளமே பீடமுணர்வே சிவலிங்கத்
தெள்ளிய ரர்ச்சிக்கு மாறு.
மனத்தையே பீடமாகவும், அறிவின் தெளிவாகிய
உணர்வையே சிவலிங்கமாகவும் உணர்ந்து, தெள்ளிய
அறிவையுடைய ஞானியர் பூசை செய்யும் முறையாகும்.
74. ஆதாரத்துள்ளே யறிந்து சிவனுருவைப்
பேதமற வர்ச்சிக்கு மாறு.
மூலாதாரத்துள்ளே சீவனிருக்குமிடம் அறிந்து,
பஞ்சபூதங்களின் வினைகளால் பேதமேதும் வராது
அர்ச்சிக்கவேண்டும்.
75. பூரித்திருந்து புணர்ந்து சிவனுருவைப்
பாரித்தங் கர்ச்சிக்கு மாறு.
ரேசக,கும்ப,பூரக வினைகளினால் பிரணவவுச்சியில்
வெளிப்பட்ட சீவரூபத்தை, வெளிப்பட்டவிடத்தில்
அர்ச்சனை செய்.
76. விளக்குறு சிந்தையான் மெய்ப்பொருளைக் கண்டு
துளக்கற வர்ச்சிக்கு மாறு.
சாதனைகளால் தெளிவுற்று அசைவற்ற நிர்மல மனத்துடன்
அசைவற்ற கண்களால் உடலிலுள்ள (இரு+உதய) இருதய
குகையிலுள்ள சீவனைக் கண்டு அர்ச்சனை செய்வதே உத்தம
வழி.
77. பிண்டதினுள்ளே பேரா திறைவனைக்
கண்டுதா னர்ச்சிக்கு மாறு.
கண்களுக்குள்ளே(பிண்டதினுள்ளே) யுள்ள கபாலகுகையில்
சீவனைக் கண்டு அசையவிடாது கட்டி அதனுள் நிலைத்துப்
பூசிப்பதே சிறந்த வழி.
சிவமாகிய சீவன் தோன்றி மறையும் குணமுள்ளவன்
என்பதால், அசையவிடாது கட்ட வேண்டுமென்பதை
"பேராதிறைவனை" என்றார்.
திருமூலர் :
"புறப்பட்டுப் புக்குத் திரிகின்ற வாயுவை
நெறிப்பட வுள்ளே நின் மலமாக்கி(நிர்மலமாக்கி)
லுறுப்புச் சிவக்கும் ரோமங் கறுக்கும்
புறப்பட்டுப் போகான் புரிசடையோனே."
"ஒண்ணா நயனத்திலுற்ற வொளிதன்னை
கண்ணாரப் பார்த்து கலந்தங் கிருந்திடில்
விண்ணாறுவந்து வெளிகண்டிட வோடிப்
பண்ணாம நின்றது பார்க்கலுமாமே."
ஓளவை கூறிய பிண்டமும், நெறிப்பட வுள்ளே எனத்
திருமூலர் கூறியதும் பிரிவைக் காட்டும் இரு கண்களே.
இதைவிடத் தெளிவாகப் பிரும்ம இரகசியத்தை
வெளிப்படுத்த இயலாது.
இன்னும், மாணிக்கவாசகப் பெம்மான் :
"சிந்தனை நின்றனக்காக்கி நாயினேன்றன்
கண்ணினைநின் றிருப்பாதப் போதுக்காக்கி
வந்தனையு மமலர்க்கே யாக்கிவாக்குள்(ஆதத்துடைய
சூரத்துள்)
மணிவார்த்தைக் காக்கியும் புலன்களார
வந்தனை யாடகொண்டுள்ளே புகுந்த விச்சை
மாலமுதப் பெருங்கடலே மலையேயுன்னைத்
புந்தனை செந்தாமரைக் காடனையமேனித்
தனிச் சுடரே யிரண்டுமிலிதனிய னேற்க்கே."
ஈண்டு, இரண்டுமிலை யென்பதை இம்மெய்,மறுமெய் எனவும்,தூல
சூக்குமமெனவும் கொள்ளலாமென்பர் ஆன்றோர்.
78. மந்திரங்களெல்லா மயங்காம லுண்ணினைந்து
முந்தரனை யர்ச்சிக்கு மாறு.
"எண்ணும் எழுத்தும் கண்ணெனத்தகும்" என்பதற்கிணங்க,
எழுத்தாகிய மன்+திறங்களையும், எண்ணாகிய
எண்ணிக்கையையும் ஓதி உணர்ந்து, அண்டத்திலுள்ளவற்றில்
கருத்தை செலுத்தாது,பிண்டத்தில் அந்த மந்திரங்களின்
பொருளுணர்ந்து ஞானவினையால் அர்ச்சிக்க சிவமாகிய
சீவன் வெளிப்படும்.
79. பேராக்கருத்தினாற் பிண்டத்தி னுண்ணினைந்
தாராதனை செய்யு மாறு.
பிரிவுபட்ட(வெட்டாத சக்கரம்) கண்களினால்
கபாலக்குகையினுள்ளே அசைவற்ற மனத்தையும், நினைவையும்
ஒன்றாகக் கருத்தில் கலந்து ஞானவினை செய்தலே
பிறப்பறுக்கும் வழி.
80. உள்லத்தினுள்ளே யுறப்பார்த்தங் கொண்சுடரை
மெள்ளத்தா னர்ச்சிக்கு மாறு.
அசைவற்ற நினைவினால்,
கருத்தையொருமித்து(கண்பொருந்தி) பிண்டத்தில் உள்ளே
நினைவைச் செலுத்தி ஆராதனை செய்ய சீவமாகிய
பிரகாசச்சுடர் கிளர்த்தெழும். அவ்விடத்தே
ஞானவினையால் அருச்சனை செய்தலே ஆன்மவழியாம்.
கீழ்க்கண்ட பாடல்களையும் கருத்தில் கொண்டால் இரகசிய
இடமும்,தன்+திறமும் தெரியவரும் :
திருமூலர் :
"அகார வுகார சிகார நடுவாய்
வகார மோடாறும் வளியுடன் கூடிச்
சிகார முடனே சிவன் சிந்தை செய்ய
ஒகார முதல்வ னுவந்து நின்றானே.
அவ்வென்ற போதினிலுவ் வெழுத்தாலித்தா
லுவ்வென்ற முத்தியுருகிக் கலந்திடு
மவ்வென்ற னுள்ளே வழிபட்ட நந்தியை
யெவ்வணஞ் சொல்லுகே னெந்தை யியற்கையே.
- ஞானவெட்டியான்
- திண்டுக்கல்(தமிழகம்)
