X-Sender: sarabeswar@...
X-Apparently-To: agathiyar@yahoogroups.com
Received: (EGP: mail-8 0 7 4); 2 Jul 2002 10:32:23 -0000
Received: (qmail 87006 invoked from network); 2 Jul 2002 10:32:23 -0000
Received: from unknown (66.218.66.218) by m6.grp.scd.yahoo.com with QMQP; 2 Jul 2002 10:32:23 -0000
Received: from unknown (HELO n24.grp.scd.yahoo.com) (66.218.66.80) by mta3.grp.scd.yahoo.com with SMTP; 2 Jul 2002 10:32:23 -0000
Received: from [66.218.67.131] by n24.grp.scd.yahoo.com with NNFMP; 02 Jul 2002 10:32:21 -0000
Date: Tue, 02 Jul 2002 10:32:12 -0000
To: agathiyar@yahoogroups.com
Subject: Nandi Namam NamasivayavE
Message-ID:
User-Agent: eGroups-EW/0.82
MIME-Version: 1.0
Content-Type: text/plain; charset=ISO-8859-1
Content-Transfer-Encoding: base64
Content-Length: 2538
X-Mailer: Yahoo Groups Message Poster
From: "sarabeswar"
X-Originating-IP: 202.154.23.98
X-Yahoo-Group-Post: member; u=81026296
X-Yahoo-Profile: sarabeswar
X-Yahoo-Message-Num: 18927
பெரிசு என்ற அன்புசால் பெருந்தகை
மரு.திரு.ஜெயபாரதியார் அவர்கள்
தம் நம்பிக்கைகளை
யாதொரு பாசாங்குமின்றி உண்மையாய்
எழுதப் போந்தமையால் எத்தகைய
எதிர்ப்புகளையெல்லாம் சந்திக்க
நேர்ந்திருக்கும் என்பதைச்
சமீபத்தில்தான் அறிந்து கொள்ள முடிந்தது.
அன்னார் மணிவிழா காணும் இந்நாளில்
எமையாளும் இறையிடம் இறைஞ்சுவது ஒன்றே.
சார்புணர்ந்து சமத்துவம் கண்ட வள்ளுவர்
காட்டும் அன்புவழி செழிக்கட்டும்!
சார்தரு நோய் தீர்க்கும் பதிகமென
காழிப் பிள்ளையார் பாடி,
பாடியவாறே தம் திருமணநாளன்று
உற்றார் உறவினருடன்
இஅருட்பெரும்சோதியில் கலந்த
இப்பதிகத்தினை
இங்கிட்டுப் பணிகிறேன்.
திருச்சிற்றம்பலம்
காதலாகிக் கசிந்து கண்ணீர் மல்கி
ஓதுவார்தமை நன்னெறிக்கு உய்ப்பது
வேதம் நான்கினும் மெய்ப்பொருளாவது
நாதன் நாமம் நமச்சிவாயவே 1
நம்புவார் அவர் நாவில் நவிற்றினால்
வம்பு நாண் மலர்வார் மது ஒப்பது
செம்பொனார் திலகம் உலகுக்கு எலாம்
நம்பன் நாமம் நமச்சிவாயவே 2
நெக்குள் ஆர்வம் மிகப் பெருகி நினைந்து
அக்கு மாலைகொடு அங்கையில் எண்ணுவர்
தக்க வானவராத் தகுவிப்பது
நக்கன் நாமம் நமச்சிவாயவே 3
இயமன் தூதரும் அஞ்சுவர் இன்சொலால்
நயம் வந்து ஓத வல்லார்தமை நண்ணினால்
நியமந்தான் நினைவார்க்கு இனியான் நெற்றி
நயனன் நாமம் நமச்சிவாயவே 4
கொல்வார் ஏனும் குணம் பல நன்மைகள்
இல்லார் ஏனும் இயம்புவர் ஆயிடின்
எல்லாத் தீங்கையும் நீங்குவர் என்பரால்
நல்லார் நாமம் நமச்சிவாயவே 5
மந்தரம் அன்ன பாவங்கள் மேவிய
பந்தனை யவர் தாமும் பகர்வரேல்
சிந்தும் வல்வினை செல்வமு மல்குமால்
நந்தி நாமம் நமச்சிவாயவே 6
நரகம் ஏழ்புக நாடினர் ஆயினும்
உரைசெய்வாயினர் ஆயின் உருத்திரர்
விரவியே புகவித்திடும் என்பரால்
வரதன் நாமம் நமச்சிவாயவே 7
இலங்கை மன்னன் எடுத்த அடுக்கல்மேல்
தலங்கொள் கால் விரல் சங்கரன் ஊன்றலும்
மலங்கி வாய்மொழி செய்தவன் உய்வகை
நலங்கொள் நாமம் நமச்சிவாயவே 8
போதன் போதன கண்ணனும் அண்ணல்தன்
பாதம் தான் முடி நேடிய பண்பராய்
யாதும் காண் பரிதாகி அலந்தவர்
ஓதும் நாமம் நமச்சிவாயவே 9
கஞ்சி மண்டையர் கையில் உண் கையர்கள்
வெஞ்சொல் மிண்டர் விரவிலர் என்பரால்
விஞ்சை அண்டர்கள் வேண்ட அமுதுசெய்
நஞ்சுண் கண்டன் நமச்சிவாயவே 10
நந்தி நாமம் நமச்சிவாய எனும்
சந்தையால் தமிழ் ஞானசம்பந்தன் சொல்
சிந்தையால் மகிழ்ந்து ஏத்த வல்லார் எலாம்
பந்தபாசம் அறுக்க வல்லார்களே 11
திருச்சிற்றம்பலம்
என் அனுபவத்தில், பாடும்பொதெல்லாம்
பலதையும் தெருட்டும் பதிகமிது.
"நம்புவார் அவர் நாவில் நவிற்றினால்
வம்பு நாண் மலர்வார் மது ஒப்பது" என்பதை
யோகியார் அவர்களும் ஞானவெட்டியான்
அவர்களும் விரித்துரைக்கக் கண்டோம்
'ஏத்த வல்லார் எல்லாம்' என்று சொல்லி
சோதியில் கலந்தமை சுட்டுவது
அல்லவா
எம் அன்னை அக்குழந்தைக்கு
ஞானப்பாலூட்டியாண்டதன்
பயன்!
நந்தி நாமம் நமச்சிவாயவே
