X-Sender: jayandgl@...
X-Apparently-To: agathiyar@yahoogroups.com
Received: (EGP: mail-8 0 7 4); 25 Jul 2002 15:25:57 -0000
Received: (qmail 67562 invoked from network); 25 Jul 2002 15:25:57 -0000
Received: from unknown (66.218.66.217) by m15.grp.scd.yahoo.com with QMQP; 25 Jul 2002 15:25:57 -0000
Received: from unknown (HELO webmail2.maa.sify.net) (202.144.76.18) by mta2.grp.scd.yahoo.com with SMTP; 25 Jul 2002 15:25:56 -0000
Received: (qmail 28656 invoked by uid 7002); 25 Jul 2002 20:55:09 +0530
Received: from unknown (HELO webmail2.maa.sify.net) (202.144.76.18) by webmail2.maa.sify.net with SMTP; 25 Jul 2002 20:55:09 +0530
Received: (qmail 28592 invoked from 202.9.169.15 by webmail2); 25 Jul 2002 20:55:07 +0530
Received: from unknown (HELO sify.com) (202.9.169.15) by webmail2.maa.sify.net with SMTP; 25 Jul 2002 20:55:07 +0530
Message-ID: <3D40163B.2B68D9E3@...>
Date: Thu, 25 Jul 2002 20:46:11 +0530
X-Mailer: Mozilla 4.72 [en] (Win98; I)
X-Accept-Language: THAMIL,en
MIME-Version: 1.0
To: agathiyar@yahoogroups.com, meykandar@yahoogroups.com, tamil-ulagam@yahoogroups.com
Subject: Awwaik kuRaL (211 - 220)
Content-Type: text/plain; charset=iso-8859-1
Content-Transfer-Encoding: 8bit
From: Njaanavettiyaan
X-Yahoo-Group-Post: member; u=118772836
X-Yahoo-Profile: njaanavettiyaan
X-Yahoo-Message-Num: 19221
ஒளவைக் குறள்
III. தன்பால்
2. அங்கியில் பஞ்சு (211 - 220)
211. அங்கியிற் பஞ்சுபோ லாகாயத் தேனினையில்
சங்கிக்க வேண்டாஞ் சிவம்.
சிதாகாயத்தில் நினைவில் மூலாக்கினியைப் பாய்ச்சினால், அனலிற்
பஞ்சுபோல் உடனே சிவம் சோதியாய் வெளிப்படும். சந்தேகப்பட வேண்டாம்.
212. மெய்ப்பா லறியாத மூடர்த நெஞ்சத்தின்
அப்பால தாகுஞ் சிவம்.
சீவனை அறியும் உள் மெய்த் தத்துவத்தை அறியாதவர் மனதில் தெய்வ சக்தி
இல்லாது சிவம் நீங்கியிருக்கும். மனன சத்தியே குடியிருக்கும்.
213. நெஞ்சகத்து ணோக்கி நினைப்பவர்க் கல்லாஅல்
அஞ்சலென் னாது சிவம்.
உந்திக்கமலத்தில் மனதை உதிக்கவிடாது செய்து சிவத்தைக் கருத்தில் நிலைத்து
நிறுத்திச் சிந்திக்காதவர்களுக்குச் சிவம் அபயக்கரம் நீட்டாது.
214. பற்றிலா தொன்றினைப் பற்றினா லல்லது
கற்றதனா லென்ன பயன்.
சாற்றிறங்களைக் கற்றதனாலாய பயன், அரூபமாயும் தோற்றமாத்திரமாயுமுள்ள
இறைவன் திருவடி காணலே.
திருக்குறள்:
"கற்றத னாலாய பயனென்கொல் வாலறிவன்
நற்றாள் தொழாஅ ரெனின்."
215. தம்மை யறிவாரைத் தாமறிந்து கொண்டபின்
தம்மை யறிவரோ தான்.
தன்னையறிய தலைவனைக் காணலாம். தலைவனைக் கண்டபின் தம்மை யறிய முயலல்
அறிவுடைத்தன்று.
216. அசபை யறிந்துள்ளே யழலெழ நோக்கில்
இசையாது மண்ணிற் பிறப்பு.
மனவசைவை அறிந்து உந்திக் கமலத்துள்ளே அக்கினி கலையைப் பாய்ச்ச,
பிறப்பறும். (எண்ணங்களறும் என்பருமுண்டு.)
திருமந்திரம்:
"உடம்பு முடம்பு முடம்பைத் தழுவி
யுடைம்பிடை நின்ற வுயிரை யறியார்
உடம்பொ டுயிரடை நட்பறி யாதார்
மடம்பிகு நாய்போன் மயங்குகின் றாரே."
அசபையை செங்கிருதத்தில் "அஜபா" என்பர். அசபை எனில் அசைவு,
ஆட்டைப்போல் அசைந்து கொண்டே இருக்கும் மனம். அதையடக்கத் தூலமழியினும்
சூக்குமழியாது. அச்சூக்குமத்தொடு சீவனொன்றிவிடும்.
அசபையை விரித்துக்கூற அனுமதியில்லை. ஆர்வமுடையவர்கள்
(ஞானாசிரியனின்றி) அசபையைச் செய்து ஆபத்தைத் தேடலாகாதென்பதே
நோக்கம்.
217. இமையாத நாட்டத் திருந்துணர் வாருக்
கமையாத வானந்த மாம்.
மனவசைவை நீக்கி ஞானவினை செய்வோருக்கு எப்பொழுதும் சச்சிதாநந்தமே
(சத் + சித் + ஆநந்தம்).
திருமந்திரம்:
"நாட்டத்தை மீட்டு நயனத்திருப் பார்க்கு
தோட்டத்து மாம்பழம் தூங்கலு மாமே."
218. துரியங் கடந்த சுடரொளியைக் கண்டால்
மரணம் பிறப்பில்லை வீடு.
மரணம் = உற்பத்தி; பிறப்பு = லயம்;
உடலில் துரியங் கடந்த துரியாதீதத்தில் சோதி கண்டால் பிறப்பு இறப்பு
(எண்ணங்களின் உற்பத்தி, மறதி) இல்லை.
219. மதிபோ லுடம்பினை மாசற நோக்கில்
விதிபோ யகல விடும்.
உடலினுள் நினைவில் சந்திரகலை பரிணமிக்க, விதிக்கப்பட்ட கால அளவுகளை
எளிதாகக் கடக்கலாம்.
220. சீவன் சிவலிங்க மாகத் தெளிந்தவர்தம்
பாவ நசிக்கும் பரிந்து.
சீவனைச் சிவத்துடன் ஒன்றித்துச் சிவத்தைச் சிவலிங்கமாகக் காணும் ஒருவனின்
பாவங்கள் நாசமாகும்.
- ஞானவெட்டியான்
- திண்டுக்கல்(தமிழகம்)
